Zulmat-kade mein mere shab-e-gham kaa josh hain,
Ik shammaa hai daliil-e-sahar, so Khamosh hain !!
Naa muzdaa-e-visaal na nazzaaraa-e-jamaal,
Muddat huii ki aashtii-e-chashm-o-gosh hai !!
Main ne kiyaa hai husn-e-khud-aara ko be-hijaab,
Ae shauq yaan ijaazat-e-tasliim-e-hosh hain !!
Gauhar ko ikd-e-gardan-e-khubaan mein dekhanaa,
Kyaa auj par sitaaraa-e-gauhar-farosh hain !!
Diidaar, vaadaa, hausalaa, saaqii, nigaah-e-mast,
Bazm-e-khayaal maikadaa-e-be-Kharosh hain !!
Ae taazaa vaaridan-e-bisaat-e-havaa-e-dil,
Zinhaar gar tumhen havas-e-na-o-nosh hain !!
Dekho mujhe jo diidaa-e-ibarat-nigaah ho,
Merii suno jo gosh-e-nasiihat-niyosh hain !!
Saaqii ba-jalvaa dushman-e-imaan-o-aagahii,
Mutarib ba-nagmaa rahazan-e-tamkiin-o-hosh hain !!
Yaa shab ko dekhate the ki har goshaa-e-bisaat,
Daamaan-e-baagabaan-o-kaf-e-gul-farosh hain !!
Lutf-e-khiiraam-e-saaqii-o-zauq-e-sadaa-e-chang,
Ye jannat-e-nigaah wo firdaus-e-gosh hain !!
Ya subh dam jo dekhiiye aakar to bazm mein,
Naa vo suruur-o-soz na josh-o-kharosh hain !!
Daag-e-firaaq-e-sohabat-e-shab kii jalii huii,
Ik shammaa rah gaii hai so vo bhii khamosh hain !!
Aate hain gaib se ye mazaamiin khayaal mein,
‘Ghalib’, sariir-e-khaamaa navaa-e-sarosh hain !!
-Mirza Ghalib
18.520469
73.856621