My Shayari New 1.1

Raahein jo thi judi ek dafa fir kyon mudi, Kisi ke jaane ki woh yaadein fir kyon judi !!

“Mere usoolon ke aashiyane dekh kar hasnewale waise hi kuchh kam nahi the, Par unme agar aap na hote to aaj baat kuchh aur hi hoti !!”

“Yeh zindagi aise koi khel nahi ki isse ek bar fir se main dohraoon, Zinda hun ab tak iss tarah ki yeh dil bhi de dua main mar jaaoon !!”

“Haar me jo maja hain woh jeet me kaha, Dard me jo raja hain woh preet me kaha !!”

Yeh meri haar haar nahi, Yeh fardaa me meri jeet ka elan hain !!
Yeh teri jeet jeet nahi, Yeh teri aanewali haar ki pehchan hain !!

Aksar mere prabandhak kehte hain mujhse, Kyon kuchh kaam nahi karte? Kab tak yuhi tankhwah loge,kab tak bench par baithoge?,
Main muskurakar vismay se kahta hun unse, Janab aap mujhe kaam doge? Aap mujhe kaam doge to khud kya bench par baithoge ?

Chaha tha jise humne tha jise har pal pooja, Use kya pata hain yeh mera dil kitna hain bhinga !!
Sanson ki dor toote ki toote yeh preet dhaga, Fir saare sapne jhuthe yeh aankh saari raat jaaga !!

By ABZH

Koun hu main?

Likh leta hun jo bhi dard hain dil me,

Kisi wazm ka fankar nahi hun !!

Dukh bhare geeton ka bol hun main,

Ashk hun jhankar nahi hun !!

Dard se to khair ishkkari hain apni,

Wafa hun kisi ka inkar nahi hun !!

Jalti dhoop me hi jannat hain meri,

Thandi chhaon ka khumar nahi hun !!

Unse milne ki tamanna to dil me na rahi,

Kisi ke aane ki soch hun Intzar nahi hun !!

By ABZH